Den lokale sjømannsforeininga må vera nøgd med eit godt resultat når dei avvikla sommarsbasaren fredag 18. aug. Fullt ved alle borda og pengane sat laust då lodd og årar vart selde. 

- Det er ikkje vanskeleg å laga basar når gevinstane kjem inn av seg sjølv, sa leiaren, Anne Lise Auestad, då ho takka både for frammøtet og alt som var gitt frå bygdefolket. Mellom dei 70 som møtte fram var det både born og vaksne i alle aldrar. 

På veggene hang veldig mykje fint handarbeid som vart trekt ut på bøkene, og på eitt bord framme var meir butikk-ting som gjekk på åresalet. Folk gir gåver til gevinstar og kjøper deretter lodd for kanskje å vinna tilbake eit eller anna. Spenning var det også for borna som stod i kø for å få vera med og dela ut gevinstane til dei som vann.

Plakaten måtte endrast når det galdt talaren, som vart Dagfinn Misje. Han har bak seg 40 år der han har reist heile verda rundt i teneste for den norske sjømannskyrkja og hadde både andakten og handterte trekkje-apparatet.  Vitsar og småstubbar sat laust hos han og skapte mykje latter og smil gjennom kvelden. I tillegg deltok Else og Kjell Alsaker med song og musikk. 

Foreininga for sjømannsmisjonen har lange tradisjonar i Vikebygd. Gjennomsnittsalderen på kvinnene som er med her, er høg. Like fullt er dei aktive med møte på kjøkkenet i bedehuset ein gong i månaden og basar kvar sommar.  Dei arbeider for sjømannskyrkjene, som nå vert kalla: Norsk Kirke i utlandet.  Før var det norske sjøfolk sitt møte med ein bit av Noreg i ei framand hamn.  I dag er dei like mykje til for sjåførar på langtransport, nordmenn på oljeplattformar og norske turistar i utlandet.  Sjømannskyrkja på Gran Canaria er vel eit eksempel på det siste.  Her har Dagfinn Misje tenestegjort i mange år.

Når sjømannsforeininga kvar sommar inviterer dei til basar på bedehuset blir det oftast fullt rundt borda. Det er både ein samlingsplass for å møta andre til ein koseleg prat med kaffikoppen og litt mat, medan ein spent lurer på om loddnummer i bøkene eller åresal skal gje utteljing og noko å få med seg heim av fine handarbeid eller innkjøpte gevinstar. 

Les også frå jubileumsfeiringa i 2014.

Krukkesong - første framføring vart i Ølen kyrkje, der omlag 25 tilbrakte ein fredagskveld med spesiell musikk og song til forteljing knytta til leirkrukker.
Krukkesong
- åtte krukker syng sine songar -

Krukkesong er eit nyskapande heilakustisk konsept mellom keramisk kunsthandverk og musikk, på høgt kunstnarisk nivå.

ØLEN KYRKJE - fredag 6. oktober kl. 19:30.
Billettar: kr 200 v/inngang

Kunsthandverkar Karoline Emmerhoff frå Haugesund har laga store keramiske krukker.
Sunniva Eliassen kjem heilt ifrå Alta med sin vakre song, og Ellen-Martine Gismervik frå Karmøy, men no busett i Oslo, vil spele for oss på sin cello.

Krukkesong er ei vidareføring av tanken om krukker som menneske, med ei ytre form omkring eit indre rom, men no er det rommet inni krukka det handlar om. At dette rommet inni krukka kan peike mot eit anna rom, og at det kan finnast ein song der. Kvar av dei åtte krukkene har sitt eige tema, og innhald. Vi får sjå, og deretter lytte til kva krukkene rommar. Keramikar Karoline formidlar sine tankar og musikken vil utdjupe innhaldet for oss.
Det vil bli både salmar og Bach.

Den første konserten blir i Ølen kyrkje. Konserten søndag den 8.10 blir ein del av Fartein Valen programmet for 2017, som satellittkonsert i Kulturkirken Skåre i Haugesund.

Venleg helsing
For Ølen/Bjoa sokneråd (arrangør)
Kari Vik Stuhaug, Sokneprest i Ølen og Bjoa 

Torsdag den 28. sept: Jens Tveit deler opplevingar med oss.
Torsdag den 26. okt: Silje Holden Birkeland: Leseglede
Torsdag den 30. nov: Kjem tilbake til dette. Her blir prat med kaffi og litt attåt. Sjå plakatar.      Velkommen!