Jordskjelvstasjonen i Bergen kunne søndag melde om eit jordskjelv klokka 13:55 med episenter under Skjold.  Dei skriv i meldinga si:

"I dag kl 13:55 vart det følt eit jordskjelv i området ved Skjold, mellom Haugesund og Ølen. Jordskjelvet er lokalisert til 59.512N og 5.623Ø med magnitude 2.7. Dersom du har følt jordskjelvet er det fint om du fyller ut spørjeskjemaet under for Skjold, Rogaland på linken under:  LINK"

Om nokon merka jordskjelvet søndag kan bidra med meir informasjon, send gjerne e-post til: tilbakmelding@vikebygd.org 

I flg. Sveiobladet har professor Lars Ottermoller ved Norsk Nasjonalt Seismisk Nettverk stadfesta at det har vore eit jordskjelv som skal ha berørt store delar på Haugalandet og Sunnhordland. Jordskjelvet er målt til 2,7 på Richters skala. Målstasjonen ligg 5 km, frå Skjold. 59,512 og 5,623.

– Smellet skal ha vore så kraftig at vi har fått fleire meldingar om dette, seier Lars Ottermoller i flg. Sveiobladet.

Les også på h-avis.no,     Grannar.no,   Tysvær Bygdablad

Eit svakt jordskjelv.
2,7 på Richters skala er eit heller svakt jordskjelv. Det hender med nokre års mellomrom at denne type jordskjelv vert meldt på våre kantar. M.a. skjedde dette både 23. juli 2015 (2,8 og episenter ved Etne); 20. november 2014 med styrke 2,3-2,5 (NNSN: Jordskjelv i Ølenområdet 20.11.14: Kl 11:55 vart det registrert eit jordskjelv på dei seismiske stasjonane i det norske seismiske nettverket, lokalisert til 59.58N 5.59Ø med magnitude 2.3.); og i mars 2012 med styrke 3,5.

Richters Skala
Richterskalaen er ein skala for å måle styrken på eit jordskjelv, og blei utvikla av Charles Francis Richter og Beno Gutenberg ved Teknologiinstituttet i California i USA i 1935. Skalaen er logaritmisk, slik at eit jordskjelv med ein verdi lik 2 på Richterskalaen er 10 gonger kraftigare enn eit jordskjelv med en verdi lik 1.

Tidlegare store skjelv
Eit av dei største skjelva som råka Vikebygd skjedde 29. januar 1989. Dette hadde episenter under Skånevik med styrke 4,2, og førte til sprekker i fleire grunnmurar. Skjelvet i 2012 hadde episenter ved Bjordal. Det starta 6 km under jordoverflata og vart målt til styrke 3,5. Les meir på NrK om dette.

I flg. BA var eit av dei største jordskjelva på Vestlandet 12. august 2000. Heile Bergen rista då eit jordskjelv som målte 4,6 på Richters skala slo ut i heile Sør-Norge i år 2000.
– Det er trulig det sterkaste følte jordskjelvet i Noreg på ti år, uttalte seismolog Berit Marie Storheim ved Universitetet i Bergen.

Området sør for Hardangerfjorden og utover mot Karmøy er eit relativt aktivt område for jordskjelv.