Søk i LEKSIKON: 
Store norske Leksikon
Wikipedia  

Stor vekst i Laurdagsklubben

(26.1.2011 SS) Laurdagsklubben har vorte meir og meir populær i Vikebygd dei siste åra.  I 2011 var 48 born innom klubben.  36 deltok 3 eller fleire laurdagar. Det er tydeleg at opplegget som byggjer på søndagsskulen sitt materiell, men har mange spennande aktivitetar for borna, fell i smak.  Hovudleiar i klubben Kjersti Bjerga, har fått arbeidet inn på eit spor som borna likar veldig bra. 

Utover å læra kjende kristne barnesongar og bibelforteljingar, så har Laurdagsklubben eige bibliotek.  Det er populært mellom borna å låne med seg bøker heim.  Bøkene er tilpassa aldersgruppa som kjem,  Her er biletbøker for dei minste, og tekstbøker for dei som kan lese.  Så varierer aktivitetane mellom spel, film, leik og forskjellige formingsaktivitetar der borna får laga ting dei kan ha med heim.  Laurdagsklubben har fått tilskott både frå Kraftlaget, kommunen og lokalt legat.  Dette har gjort det mogeleg å kjøpa inn ein god del nytt og flott materiell, som gjer det ekstra spennande for borna.  Laurdagsklubben samlar også inn pengar til eit misjonsprosjekt som Søndagsskolen og Misjon Uten Grenser har i Romania. Pengene har gått til Barnebiblar, sommarleirar for born i Romania, og nå sist til varme luer til born.  Les meir her. 

Norsk Søndagsskoleforbund er historie!. 

I Vikebygd heiter det: Laurdagsklubben. 
Det nye namnet på organisasjonen er: SØNDAGSSKOLEN NORGE. 

I Vikebygd heiter det: Laurdagsklubben.  Les pressemeldinga.

Gamleskulen i Vikebygd
(24.1.12 SS)  Formannskapet i Vindafjord vedtok i møte 24.1. å bevilga 400.000 kr til å dekkje kostnaden med å rive gamleskulen, fjerne og planere skuletomta.  Eit fleirtal gjekk inn for riving av skulen.  Saka er ikkje endeleg.  Den skal opp att i kommunestyret den 7. februar. Fleirtalet såg verdien i å rydde tomta og tenkja framover for ei betre utnytting av arealet. 

Høgre vart ståande åleine med eit framlegg om å selja skulebygget til firmaet Multivedlikehold, som har søkt om å få byggja dette om til innkvartering av innleidde personar som dei leiger ut til lokale verksemder.  Dette ville gje inntekter på 500.000 og at firmaet i tillegg tar kostnaden med å flytte ballbingen. Meir folk til bygda ville nok også kunna gje inntekter til t.d. butikken.

KrF argumenterte med at kommunen måtte gå i dialog med Grendautvalet om å laga ein plan for området, men fekk ikkje formannskapet med på å ha dette med i vedtaket. 

Vidare vart det peika på at kjellaren på Gamleskulen ennå er i bruk til sløyd, då ein ikkje har eigna rom for dette i dei nye skulebygga.  Formingsrom er på langtidsplanen for kommunen, men riving kan koma til å skje før nye lokalar er bygde.  Dette vert ei utfordring for både skulen og kommunen.
Les meir her.

Klkk her for å sjå plakaten

Ordføraren på synfaring i Vikebygd
(21.1.12 SS)  Fredag tok ordførar Ole Johan Vierdal turen til Vikebygd får å studera gamleskulen med eigne auge.  Saman med Kjell Kjærland frå teknisk og varaordførar Steinar Skartland møtte han der Jens Morten Koltveit som er med i FAU. Så langt var dei samde om at å riva skulen og sjå kva dette området kan utviklast til for bygda, er rett.  Det kan likevel vera lurt å bruka litt lengre tid slik at grendautvalet kan få vera med og laga ein plan for området.  Jens Morten Koltveit var tydeleg på at slik denne tomta ligg bør det rettaste vera å bruka området til beste for barn og unge. 

Foreldrerådet sitt arbeidsutval (FAU) ved Vik skule sende i desember eit brev til kommunen om saka.  Dei er urolege for sikkerheita til born som leikar på området rundt skulen og oppfordringa deira er: - Einaste fornuftige å gjere er å fjerne Gamle Skulen.

Så spørst det om politikarane i formannskap og kommunestyre røystar for dette.  Det er viktig at bygdefolket gjer sitt syn til kjenne. 

Opprop frå Grendautvalet:
Riv Gamleskulen og gjer ei totalvurdering av arealet.
Leiaren i Grendautvalet, Rune Hetland, hadde ikkje høve til å delta på synfaringa, men har skreve brev til politikarane i formannskapet der han oppfordrar dei til å gå inn for å riva gamleskulen og gjera ei totalvurdering av arealet til beste for bygda.

- For å få ei god framtidsløysing for dette området vil det beste vera å riva gamleskulen og deretter setja i gang eit kreativt arbeid saman med Vik grendeutval og bygda elles for å sjå korleis dette området kan utviklast til å vera ein ressurs for bygda si utvikling, skriv Rune Hetland, og seier vidare: - Her kan ein tenkja seg fleire alternativ frå bustader til servicenæringar. Det er svært sannsynleg at ein kortsiktig gevinst ved eit sal av bygget vil vera eit stort økonomisk tap for kommunen i forhold til å sjå heile området samla.   Les meir her.
Les brevet frå Grendautvalet til politikarane her.
Les saksdokumentet til formannskapet her.  Kart og tilbod på bygget.
Andre saker til formannskapsmøte 24.1.2011

Gamleskulen i Vikebygd si framtid skal avgjerast
(15.1.12 SS)  Den 24. januar får formannskapet ei sak på bordet med val mellom sal av bygg og tomt, eller riving av det gamle og forfalne skulen.  Saka skal vidare til kommunestyret.  Fleire interessentar har vurdert bygget, men berre ein står att og har ynskje om å byggja om til innkvartering av arbeidarar til ulike verksemder. Mange i bygda er skeptisk til ei slik løysing og Grendautvalet har tidlegare peika på at dette området kan nyttast til fleire ulike og spennande føremål til nytte for Vikebygd.

Rådmannen rår til å riva skulebygget, og meiner at området kan vera aktuelt til bustadføremål. Så vert det opp til politikarane å avgjera gamleskulen sin lagnad.  Les meir her.

Send ein e-mail til meg - så skal det få ein plass på internett kalenderen.
Eller kanskje du har bilete eller litt tekst frå det som har skjedd?

    tilbakemelding@vikebygd.org

Likar du Vikebygd.org?

(9.1.2012 SteinarS) Dei som spelar hos Norsk Tipping kan velja at ein del av spelebeløpet skal gå til ein organisasjon som dei vel ut og som er godkjend for dette.  Vikebygd Idrettslag er godkjend for å motta den såkalla "Grasrotandelen".  2011 vart eit rekordår der Norsk Tipping totalt kan overføre 296 millionar kroner frå spelarane til lag og organisasjonar i Noreg.  Av dette går 35.215,50 til Vikebygd Idrettslag.  Frå ordninga vart oppretta har dermed heile kr 94.596,- hamna hjå idrettslaget vårt.

Idrettslaget har 154 betalande medlemar.  På det meste har 126 aktive tipparar registrert seg slik at deira grasrotandel har kome Idrettslaget i bygda til gode.  Sjå statistikken her.   

Norsk Tipping takkar alle som har støtta lokale lag og organisasjonar på denne måten.  Lurer du på kor mykje andre lag og foreiningar har fått gjennom Grasrotandelen? 
Gå inn på www.grasrotandelen.no for å finna det ut.

Retningslinene for Grasrotandelen vert fastsett av ei forskrift frå Kultur- og kyrkjede-partementet, som du kan lese her.

Det er som kjend ein del aktive idrettsungdomar i Vikebygd som spelar fotball på IL Skjoldar.  Dette laget fekk Grasrotandel frå 146 tipparar, noko som ga dei kr 67.377 i 2011.

Grasrotmottakarane vil motta midlar over Grasrotandelen tre gonger i året, 1.januar 1.mai og 1.september. Det vert ikkje lagd føringar på kva midlane skal brukast til.  
Grasrotandelen 

Gamlatunet er opna igjen på onsdagskveldane
Det privatdrevne biblioteket på Gamlatunet har vorte svært populært, særleg mellom dei eldre i bygda.  Her samlast dei til kaffi, kake og hyg-geleg samvær på onsdagskveldane. 

- Me startar opp med bibliotek igjen onsdag 18. januar klokka 17:00 - 19:00, skriv Anita som ynskjer velkommen til å låna bøker og til å slå av ein prat over ein kaffikopp.

-Du kan få hjelp med vrange masker, hekla ruter eller liknande, fortel Ingrid M. Sørvåg.  -Det blir sal av garn, servering av kaffi og det blir utlodding.

 

Interessant å lesa om bygda i eldre tid??
Få med deg sogeblada - til sals i butikken
Vindetreet:
Sogeskriftet for bygdene Imsland, Vikedal, Sandeid, Vats, Skjold og Vikebygd
Kjøp Vindetreet over Internett

Segn og Soge:
Sogeskrift for bygdene
Ølen, Ølensvåg og Bjoa
Kjøp Segn og Soge her

(1.1.2012 SteinarS) Ein og annan rakett gjekk av tidleg på kvelden slik at dei minste borna skulle få sjå dette også, men då klokka slo 00:00 og året 2012 tok til, var det mykje krut som gjekk til himmels. Så kan vi endå ein gong få ynskja alle:  Godt Nytt År.
Bakkefyrverkeri over Skartland.   Les meir her.
 

og sjå meir på Facebook  

Forsøk på å verve nye innbyggjarar
Romjulsmesse i Ølen
(28.12.2011 SteinarS)  Rune Hetland, leiaren i Vikebygd Grendeutval, stilte opp i kulturhuset i Ølen torsdag i romjula, for å verva nye Vikebuar. Han var ein av omlag 20 utstillarar som tok imot utfordringa frå Vindafjord Tomteselskap og kommunen om å delta på romjulsmessa.  Nyleg vart det opna 19 nye tomter i Vikebygd som utviding av Lio 2.
-Vi har hatt folk innom som har vore interessert i tomter i Vikebygd, kunne Rune fortelja.  Les meir frå Romjulsmessa.

(31.12.2011 Roald Årvik)

Snøsløyfa blomar vanlegvis i april/mai.

Les meir om jul og klima her.

Laurdagsklubben inviterte til
Juletrefest på bedehuset 30. desember
Omlag 60 born og vaksne var med då Laurdagsklubben og Tripp-Trapp inviterte til juletre-fest på bedehuset i Vikebygd.  Kjersti Bjerga hadde andakten. Her fekk me høyra om Jesus som vart fødd og måtte liggja i "matfatet til dyra" (krybba), om englane som song og gjetarane som gjekk for å finna barnet.  Julesongen tona flott i møtesalen denne dagen.  Festen vart avslutta med alle i ring om juletreet og song av dei kjende julesongane.  Les her.

Grøn Jul
Ei våt julefeiring i Vikebygd
(26.12.2011 SteinarS)  Det kom litt snø og kulde i advents-tida, men vêret snudde om før jul.  Både juleafta og juledagane har det vore mildvêr og regn i Vikebygd.  2. juledag viste termometeret 10 grader ute, og ein kunne undra seg på om det snart var tid for å ta fram grasklypparen og stussa plenen litt.  Lengre nord på kysten var det stormen Dagmar som herja.  Litt merka ein nok og den i Vikebygd, men ikkje mykje.

Les meir her om jula i Vikebygd.

The Skartland family Christmas card and song, here it is.
Just click on the link.
Merry Christmas from all of us to all of you.

A Skartland Christmas | FACEBOOK
Leif Skartland Sr - Vocals, Rhodes, Piano, guitar; Leif Skartland Jr - Drums, Keys, Mixing; Danielle Devlin - Vocals; Tim Devlin - Bass;
Carla Skartland - Applauded :)

Mest imponerte aspirantane som hadde fått sine første instrument utdelt i September i år, og som stilte opp og framførte "Bjelleklang" heilt åleine. Elles deltok korpset med musikkarar i alle aldrar.  Dei fleste har spela i mange år og er svært dyktige under leiing av Andreas Ulveraker.  Arne Tveit spela kyrkjeorgel i lag med korpset på nokre musikkstykke.  Her var også andre innslag der Marie og Astrid Mortveit song duett til musikk av Arne Tveit på piano.  Helge Veastad framførte etterpå: "Mitt hjerte alltid vanker," på sologitar i samspel med kyrkjeorgelet.
 Les meir her.

Dugnadsånd i Vikebygd.
Opning av ny leikeplass mellom Lio 1 og 2.
(18.12.2011 SteinarS)  Søndag 18. desember kunne Lio Vel opna den nye leikeplassen i Vikebygd med program for borna og grilling for heile familien. Lekeplassen er både ein naturtomt der terrenget har fått liggja slik det var, og med plass for foreldra.  Her er tilrettelagt med eit hellelagt område og lèvegg der grillgryta er på plass. 

Varaordførar Steinar Skartland var invitert til å tale ved opninga.    Velforeininga har fått støtte i form av 10.000 av Vikebuen, 16.000 av VAF og 3.000 av SR-Bank. Utover det flotte arbeidet Agnar Alne har gjort av entreprenørarbeid, så er alt anna gjort på dugnad.  Les meir her.

Vikebygd Kyrkje
Ljosmessa 18.desember
(18.12.2011 SteinarS)  I mange år har det vore tradisjon for Vikebygd med ljosmesse i desem-ber.  Søndag 18. 12. var 156 samla i kyrkja. I sentrum stod speidarane og konfirmantane.  Kvar med sitt levande ljos.  Til saman gjorde dei det ljosare i kyrkja. Slik den glade bodskapen vert spreidd ut i verda.
Den fekk speidarar, konfirmantar og prest vera med og dela i kyrkja denne kvelden.  I tekstlesing, song og deltaking.

Les meir her.
 

Joker butikken held fram 
-utvidar opningstida
(27.11.2011 SteinarS)  Etter at Vikebygd Landhandel vart avertert for sal i sommar, har mange vore urolege for at bygda skulle bli utan nærbutikk.  Fleire interessentar har vurdert å ta over butikken, men så langt vikebygd.org kjenner til har alle desse trekt seg.

Rolf Alne, tok over butikken i 1999. Han har ikkje tenkt å leggja inn årane ennå, og har konkludert med å halda fram drifta av Joker-butikken sjølv.   Les meir her

Tomter i Vikebygd
Graveopning på Liofeltet
(17.11.2011 SteinarS)  Torsdag 17. november deltok ordførar og varaordførar då dagleg leiar i Tomteselskapet, Leon Dyngeland, markerte "graveopning" i Liofeltet. 19 nye tomter vert klargjorde av Tveit Maskin og folk har alt meldt si interesse for å byggja. Tomtene har kort veg til butikk, skule, idrettsanlegg og barnehage. Vikebygd er ei fantastisk bygd å busetja seg i. Gode oppvekstvilkår, mange fritidsaktivitetar og du kan nytta muligheitene naturen har på sjø og i fjell.  Les artikkelen HER.  
Om tomtene i Vikebygd HER 

Framhald - Les meir her frå 2011.       

Arrangement / aktivitet

Lesarane kan sjølv leggja inn kunngjeringar av arrangement direkte på web sida her:  
(Red. kan endra i innlegg).
NB. Bruk kun Internet Explorer for å leggja inn meldingar her:

9 turmål i Vindafjord
-i sommarhalvåret-
Oppe i fjellet og i skog og mark er det merka turløyper og nutakassar. Vindafjord Kommune har utarbeida ei brosjyre med 9 turmål, eitt i kvar bygd. Du kan lasta ned ei brosjyre om desse HER.

Ta kontakt med:
Ola Harald Alne,  
 - tlf 928 15 380, eller
Jarle Sandsgård,
 - tlf 916 01 676.