Søndag 6. juli klokka 12:00 tok møtet til med Harald Johnsen som hovudtalar. Johnsen er pensjonert prest frå Stavanger, og var sist på Vikestølen i 2003 der han og tala på møtet.  "Ikke en spurv til jorden - uten at Gud det vet" var teksten, og også tittelen på songen han framførte  med musikk av Hans Asbjørn Aasbø frå Bjoa, på trekkspel. Barnetro var ein annan kjend song han delte med oss.  

Hans Asbjørn Aasbø (framme med trekkspelet) tok nå over som leiar i styret for Vikestølsmøta, etter Steinar Skartland som har vore leiar frå 1996 til i dag. Han held fram i styret som nestleiar.  I slutten av hovudmøtet vart det halde val på nytt styremedlem frå Vats etter veteranen Magnus Sørhus som nå går ut.  Etter forslag frå det sitjande styret vart Jørgen Landa vald. Elles set Knut Østrem frå Skjold og Lars Dalen frå Ølen i styret nå. 1 frå kvar av dei 5 kyrkjesokna rundt Vikefjellet.

Veret var varmt, men med skyer på himmelen.  Likevel heldt regnet seg borte og det vart ein fin dag der fleire kom til utover dagen.  Takk vere gode hjelparar med to 4-hjulsdrevne bilar, var der det fleire eldre som kunne vera med. I ettermiddagsmøtet deltok fleire med med songar, bibelord og helsingar, før Johnsen avslutta møta med velsgninga.
 
LES HEFTET OM VIKESTØLEN:
Vikestølen møtestad i 100 år (av Endre Heggen)