ORD FOR DAGEN     Skuleruta 2010-11.      Vêrvarsling 
 Krusidullar frå Frøken Vims.   Nytt frå Vindafjord kommune

Advent:

Vi tenner fire lys i kveld
og lar dem brenne ned
for lengsel, glede, håp og fred,
men mest allikevel
for fred på denne lille jord
der menneskene bor.

VIKEBYGD.ORG ynskjer alle
God Jul og
eit Godt Nytt År 2010

Juletradisjon
Juletrefest på bedehuset
(2.1.10) Laurdag 2. januar inviterte Laurdagsklubben og TrippTrapp til juletrefest på bedhuset. Omlag 60-65 i alle aldrar kom. Den minste var eit par veker og dei eldste hadde vore pensjonerte i mange år alt. Saman song dei julesongar, gjekk rundt juletreet og lydde til andakten som Kjersti Bjerga hadde. Dei to jentene, Line og Tonje, song to fine songar i lag, og så var det sjølvsagt både mat og utlodning.  Under juletreet låg ein raud segg. Mange lurte nok på kva det var i den, og etter bordverset fekk dei sjå.  Her var godteposar til borna. Folk koste seg og hadde ein fin julefest saman.

Vik Skule teikna jula
Jule teikningane på internett
(17.12.09 Steinar) Elevane i grunnskulen i Vindafjord vart invitert til å delta i teiknekonkurranse.  Vinnarane vart presenterte i kyrkjelydsbladet Hyrdingen.  På vikebygd.org kan du her sjå ein del av dei teikningane som elevar i Vikebygd har laga. Temaet skulle vera frå julesongen:  Glade Jul, og syner korleis borna tolka dette.
        
Ingrid Espeland, 4.kl. Even Grindheim 4.kl.  Håvard Mortveit 4 kl.  Tonje H. BjergA 3.kl. Marius Rødde 3. kl.
         
Helene Olsen 3.kl.    Oddvar Veastad 4.kl  Oliver Einarsen, 4.kl.  Robert Gausvik 3.kl.   Rebekka Alne 4. kl.

Vikebygd kyrkje
Godt frammøte til ljosmessa sjølv med snøfokk ute
(20.12.09 SS) Speidarane og konfirmantar hadde som vanleg ei viktig rolle i gjennom-føringa av ljosmessa. Dei las bibeltekstane og bønene som veksellesing.  I starten av gudstenesta kom alle speidarane inn med tende ljos og stilte opp framme i koret.  Her song dei for kyrkjelyden.  Liturgi og tale var ved fengselsprest Arild Markussen.
-Heller ikkje eg fordømmer deg, sa jesus til kvinna som var grepen i hor.
-Gå bort og synd ikkje meir, var oppfordringa ho fekk med seg derifrå. Mange som blir dømde for forbrytelsar dei har gjort kjenner det som godt å verte avslørte og få gjera opp, minte Markussen om i talen. Det er tilgjeving å få.

Speidarane tende ljos i ein stor trekross framføre alteret.  Mørkret i kyrkja og skinet frå dei tende ljosa ga ei fin stemning der dei nær hundre som var tilstades kunne delta i songen eller lytta til fin solosong.

Jul i skulen
Vik skule arrangert julefest med fullt hus
(15.12.09 Steinar/Berit) Elevane ved Vik skule imponerte med sine framføringar på julefesten 15. desember.  Eit arrangement som har vore årleg tradisjon i lange tider.  Då ungdomsskulen vart flytta til Skjold var det mange som frykta at denne festen ikkje skulle la seg gjera å få til meir.  Ungdomsskuleelevane hadde vore ei drivkraft og stod for mange spreke innslag.  Men barnetrinnet ligg ikkje tilbake i kreativitet.  Elevane hadde øvd lenge og fekk ros frå mange foreldre for flotte opptrinn.

Alf Prøysen si juleforteljing om "Bygda som gløymte at det var jul" var ei av stykka borna spela frå scenen. Dei var utkledd i flotte kostymer, som her kor borna spelar fuglane som endeleg har fått juleneket sitt.  Og alle borna kom i avslutninga opp på scenen og danna eit stort kor som song for foreldre, sysken, tante og onkel som var komne for å sjå og å høyra borna sine framføringar. 
(Foto: Berit R. Skartland)