ORD FOR DAGEN     Skuleruta 2009-10.      Vêrvarsling 
 Krusidullar frå Frøken Vims.   Nytt frå Vindafjord kommune

Vinter og snø
Kvit jul i Vikebygd
(27.12.09) Snøen som kom med det kraftige snfallet nokre dagar før jul, vart liggjande utover i romjula.  Det var nok mange, og då særskilt borna, som kunne gle seg over det vakre fine lndskapet.  Ski og akebrett kom fram og var flittig i bruk juledagane.

3. juledag slo dette over i mildver med regn, men ikkje nok til å fjerna snøen. 

Dei eldre som sleit med å føta seg på glatta, ville nok helst at det skulle koma mildver slik at all snøen forsvann. Men for yngre generasjonar var dette midt i blinken og ga gode høve til uteliv.

Vinter i Vikebygd
45 cm med nysnø kom på Skartland
(20.12.09) For ein flott dag! Alt dekka av rein, kvit snø.  Mest ein halv meter.  Snømåking og brøyting har stått på programmet søndag.  Laurdagskvelden kosa vi oss med sprakande vedvarme i omnen og stearinlys på bordet.  Straumen forsvann og kom ikkje tilbake før langt utpå føremiddagen søndag.  Men koseleg er det nå å kunna la fjernsyn og pcar stå svarte i kroken for så å finna fram kortspel og nonstop til ljoset frå stakar med levande ljos på bordet.  Kanskje det blir kvit jul i år?  Borna kunne kosa seg på akebrett.  Nokre var heldige og kunne få med seg foreldra ut på å laga store snømenn eller snøholer. 

Men om det er flott og kjekt med snø, så vonar vi likevel at det ikkje blir så mange snøfall.  Blir strevsamt å måka kvar dag, ja.  Kunne få kondis av det.  Nei, Vestlandingane likar seg best på trimsykkel inne mens regnet høljar ned ute.  fortvil ikkje.  den dagen kjem tidsnok.  Det har ikkje hast for meg.

Laurdag 12. desember
Vinterstemning i Vikebygd

(12.12.09 Steinar)  Slike dagar likar eg meg. Sola skein lågt over fjellet i sør og vandra sakte mot Kvamsåsen.  Nokre kuldgrader fekk rimen til å leggja seg på tre og landskap.  Stille og sol med lange skuggar.

Svanene brukar å ha vinterbustaden sin her ved Lisstjønn på Skartland.  Dei er komne, men var ikkje på plass i dag.  Flyttar mellom Vasslivatnet, Lisstjønn og Bruarvatnet. Likar seg gjerne der i sørenden av Vasslivatnet ved over-gangen til Vasslia og Vasslimyra.  Her er mykje godt sev å beita på. Det er fleire vinterbilder på   foto.vikebygd.org