Lokale websider:

Bedrifter i Vikebygd:

Vikebygd nytt:

Ny rekord med innsamling av klede
Vikebygd ga sekkevis med hjelp til Ukraina

(29.10.09 Berit & Steinar)  Folk i Vikebygd tok imot utfordringa om å levera sekker med brukte, men gode klede inn på bedehuset torsdag etter-middag. Brita Laugaland, Bjarne Lunde og Bjarne Alne fylte mest opp bedehuset med sekker før lastebilen kom og innlastinga kunne ta til. Omlag 230 sekker kom det inn, ein god del meir enn tidlegare (160 sekker i 2008 og 220 i 2007). Alle som leverte sekker betalte også kr 50,- pr sekk i frakt.

Ein stor takk til alle som vil hjelpa dei som ikkje har det så godt som folk her i bygda, og til Brita som står i spissen for innsamlinga her i Vikebygd.

Det er organisasjonen: Open Heart Ukraina som står for arbeidet og fordelinga. Halvard Hasseløy frå Haugesund er mannen bak det heile.  Open Heart sitt arbeid ser du meir om HER.

Innsamling til Ukraina
Bygda får nytt høve til å hjelpa i Ukraina

(14.10.09 )  Det har blitt til ein tradisjon at lastebilen til Halvard Hasseløy tek turen innom Vikebygd.  Brita Laugaland har vore lokal kontakt og samla inn mengde med brukte klede som har kome folk i Ukraina til hjelp. I 2007 samla ho inn 220 sekker i Vikebygd og i 2008 vart det 165 sekker. Set bygda ny rekord i år?

29. oktober, mellom klokka 13:00 og 18:00 er bedehuset ope for innlevering av sekker med klede.  Har du noko som du ikkje brukar lengre, og som er i god stand? Kler og skor, sengklede og ullteppe, gardiner, dukar og mjuke leiker. Alt må vera reint og heilt. Gjevaren betaler i tillegg 50 kroner pr sekk for å dekkja frakta fram til Ukraina.  Strikka sokkar og mjuke leiker skal ikkje vera  saman med andre kler, men vert lagt i spesielle sekker på innsamlingsstadene.

Gå attende til hovudsida - HER