Lokale websider:

Bedrifter i Vikebygd:

Vikebygd nytt:

Fredag 2. oktober:
Basar på bedehuset - ein levande tradisjon

(2.10.09  Steinar)  Det var 38 store og små som fann vegen til bedehuset og basaren på fredags kvelden. Aud Vihovde Hoftun, som er tilsett i Normisjon, hadde andakten.  Ho hadde med seg alle dei biblar og bibelbøker ho hadde funne heime.  Det var ikkje få, og slik er det nok for mange i Noreg.

Dei fleste biblane vi har er på vårt eige morsmål.  Slik er det ikkje alle stader i verda.  Ho fortalde om ei reise til Mali.  Folkegruppa ho møtte der hadde ennå ikkje bibel på sitt eige morsmål.  Dei 0ver 14000 kronene som kom inn på denne basaren i Vikebygd skal m.a. gå til arbeidet med å oversetja bibelen til malavi-språket.

Basar har lang tradisjon i Vikebygd.  Folk samlast på bedehuset der veggene var fulle av ulike tekstilar og heimestrikka klesplagg.  På kjøkkenet var kaffien på kok.  Etter andakten kom fat med påsmurde rundstykke på bordet.  Kjersti Bjerga og Gunbjørg Sørhus, som er med i Normisjon-foreninga i Vikebygd, hadde plass ved eit bord bak i salen.  her kunne folk få kjøpa lodd.  Etter kaffien var det tid for åresal.

Trekking er ikkje lengre med riste-apparat eller nummerlappar.  Jens Tveit bruka dataprogram på laptoppen og kunngjorde vinnarnummera over høgtalaranlegget. To andre av foreningsdamene, Sigrun Alne og Martha Tveit var raske rundt med gevinstane etter kvart vinnaren vart kjend. Ein fin avveksling i kvardagen å få vera med på basar.  Prat med naboar og andre, litt kaffimat og kanhende ein gevinst eller to med heim.  Jo, kjekt var det.

Les meir om andre basarar.  (Steinar)

Gå attende til hovudsida - HER