Lokale websider:

Bedrifter i Vikebygd:

Vikebygd nytt:

Vikestølsmarsjen 6. sept. 2009
Deltakarrekord på den 20. Vikestølsmarsjen

(6.9.09 - Steinar) Omlag 180 vaksne og born tok turen opp til Vikestølen som del av den årlege familiemarsjen.  Her vart dei møtt av Jarle Sandsgård som delte ut diplom til dei deltakarar som betalte startkontingent.  I jubileums-året synte diplomen ei ørn, teikna av Jarle Lunde. 

Trass i gråvær og regnbyger så hadde heile familiar teke ut.  Dei fleste gjekk frå Eikås på Bjoa, men mange kom også opp vegen frå Vikebygd.  Inni mellom klarna det opp og sola kom fram og skein over dei som konkurrerte i hesteskokasting.
 
Vinnarane her vart:
 
Menn:  Bjarne Trovåg
Kvinner: Marit Fosse
Jenter: Barbro Sælevik
Gutar:  Aleksander Bjørnøy
 

Frå Bjoa var det komne fleire jenter på hesteryggen.  Maria Liss Sandsgård hadde ein stor Araber med namnet Abla. 

Men her var og ein dølahest som heitte Tindra og ein fjording.  desse var populære mellom borna og let seg villig klappa på.

Tradisjonen tru hadde Geir Vårvik teke jobben på kjøkkenet i lag med Rita Bjørnøy.  Sjølv om det var rekord deltaking så hadde dei lapskaus, kaker, kaffi og brus til alle som ville ha.  Og folk strøymde på utover dagen heilt til siste slutt.

I gratisloddboka for dei som går til Vikestølen i løpet av året, var det omlag 880 innførte namn.  Her vart trekt ut ryggsekk til Audun Haraldsen. 

I tillegg hadde friluftsrådet gitt ein sekk i jubileumsgåva og den vart trekt ut til Aleksander Vik.

På hovudutloddinga var det elles Johan Lindegård som stakk av med den store fruktkorga.

 Kommentarar til artiklane

Gå attende til hovudsida - HER