Lokale websider:

Bedrifter i Vikebygd:

Vikebygd nytt:

Vikebygd Kyrkje
50 års jubileum og konfirmantpresentasjon 

(30.8.2009) Det var feststemning i kyrkja på søndag den 30. august.  Ein stor flokk var samla i kyrkja, og nokre hadde pynta seg ekstra.  Dei hadde eit 50-års jubileum å feira.  Ei markering av at dei 1959 stod konfirmant her i Vikebygd.  Vi gratulerer jubilantane med dagen.

Jubilantane: Sevald Svendsbø, Turid Dagrun (Brekke) Hindal, Rudolf Karlson,
Solveig Jorunn (Svendsbøe) Johannesen, Inge Rasmussen, Jan Alsaker, Åge Stene, Reidar Bjordal, Bjørg Gunlaug (Veastad) Gjesdal, Marit (Birkeland) Fjeldsend, Anders K. Alne, Edith Ingrid Fredriksen Sigurlaugson.

Etter deltaking i gudstenesta der dei var presenterte av sokneprest Johannes Nedrelid, gjekk turen opp til Gamlatunet til middag og samvær utover dagen.  Jubilantane var spreidd over eit stort distrikt, menlikevel var frammøtet svært godt.  I tillegg til dei som her er nemd så var Harald Steinsland også jubilant.  Han deltok denne dagen i norgesmeisterskap i orientering.  Vi ynskjer han lukke til der.  (Ein av dei som vart konfirmert saman med dei er gått bort). 

Dei nye konfirmantane.
Denne dagen vart også eit nytt ungdomskull med konfirmantar presenterte for kyrkjelyden.  Dei skal nå framover få undervisning, delta på leir og i gruppesamlingar før dei skal konfirmerast til våren.  Vi ynskjer dei lukke til og oppfordrar alle til å ha dei i sine tankar og i sine bøner.

Her ser vi Marte Ødegård, Espen Vik, Eirik Larsen, Vebjørn Mortveit,
Sondre Maurangsnes og Viktor Erdal saman med sokneprest Nedrelid.

Nye tenarar i kyrkja.
I denne Gudstenesta fekk vi elles høyra den nye kantoren og organisten vår, Juri Kotkovitch, som spela til songane på piano. 

Denne søndagen var Misjonssøndagen, og i det høvet så var den nye misjonskonsulenten i Stavanger Bispedømme med.  Han tala over dagens tekst, og informerte om rolla og tenesta si.

(Steinar S)

Gå attende til hovudsida - HER