Lokale websider:

Bedrifter i Vikebygd:

Vikebygd nytt:

Ungt initiativ
Bærsal ved Sandvik

(7.8.2009) Dei hadde rigga seg til med hagebord og stor parasoll, dei to borna som sat i vegkanten ved Sandvik.  Tydeleg at dei selde noko godt.  Eg nytta høvet til å stoppa.

Store hageblåbær i ferdige plastboksar, var det dei selde denne fredags ettermiddagen.

- Det kostar 25 for ei korg, sa dei så snart eg var ute av bilen.  Jo, eg måtte ha med meg eit par korger heim. 
- Har dåke fått seld mange då, undrast eg.
- Nei, det er berre fem som har stoppa til nå, svara dei.  Ferjekøen frå Halsnøy hadde nett passert, men det var ingen av dei som hadde tid til ein stopp.

Så måtte eg nå spørja om å få ta eit bilde då, av desse flittige unge som har starta si forretningskarriere i vegkanten her ved Sandvik, mellom Tindeland og Utbjoa.  Her ligg "Blåbærhagen" som er ein av dei store leverandørane av økologisk dyrka bær på vestlandet.

Gå attende til hovudsida - HER