Lokale websider:

Bedrifter i Vikebygd:

Vikebygd nytt:

Søndag og dåpsdag
Festdag med trippeldåp i kyrkje

(2.7.2009) Det vart travelt for sokneprest Johannes Nedrelid som først hadde gudsteneste i Sandeid klokka 10, og så i Vikebygd klokka 12. Men i kyrkja i Vikebygd var 106 små og store samla. Mange av dei, både menn og kvinner, i flotte bunader.  Mellom dei var tre små born som skulle berast fram til altaret og døypefonten.  Presten minna om ordet frå Jesus i Bibelen: "La dei små borna koma til meg, hindra dei ikkje, for Guds Rike høyrer slike til."

Første del av gudstenesta var innmarsj der 3 små jenter vart borne til dåpen.  Alle tre fekk med seg eit eige dåpsljos som vart tend under dåpen.  Og kanskje vart foreldre og fadrar litt overraska då kvart barn og fekk med seg dåpskluten som vart nytta til å tørka hovudet til barnet med.  Dei var laga på Madagaskar.  I tillegg hadde Marta Tveit brodert inn barnet sitt namn og dåpsdato.  Soknerådet i Vikebygd har vedteke å gje dette som gåve til kvart barn som vert døypt.  Slik får dei eit flott minne med seg frå dåpen.

Men i gudstenesta skjedde mykje anna flott også.  Under talen fekk borna teikningar og fargeblyantar så dei kunne fargeleggja eit motiv frå teksten som presten tala over. Etterpå fekk dei borna som hadde lyst koma fram og vera med på å syngja kjende barnesongar saman med presten og alle i kyrkja.

Det mangla heller ikkje på vakker musikk. David Kleven frå Skjold spela på kyrkjeorgelet til songane og Anne Kleven spela saksofon til.  Slike dagar er det flott å få vera med på å feira Gudstenesta i Vikebygd. 

Gå attende til hovudsida - HER