Lokale websider:

Bedrifter i Vikebygd:

Vikebygd nytt:

(23.6.09)  Tirsdagkvelden inviterte "Vikebuen" til St.Hans feiring. Familiane strøymde til då grillane vart tende opp i seks tida om kvelden. Kanskje så mange som 200 var innom Bryggjebakken og fekk kjenna varmen både av kveldssola og den tørre pallestabelen som vart tend på klokka åtte.

På den vestvendte Bryggjebakken benka folk seg i kveldssola.  Pølser, karbonader og kjøtt fann sin plass på dei store grillane.  Nokre av borna prøvde ut vollyball banen mens andre prøvde fiskelukka.

På trappa til båtlaget sitt hus var det rigga til med sal av kaffi, brus og kaker.  Tradisjonen tru så var det gigantstykke av kaker til berre 10 kroner.  Per Schnabel hadde si fulle hyre med å kjøra i skytteltrafikk med kaffikanner mellom kjøkkenet heime og kaien.  Kaffitørste vikebuar tømde kannene så fort at det vart ventelister.
  
Nede i sjøkanten leika borna.  Om det ennå er kjølig i sjøen så stansar ikkje det ungane som stortrivdes med å vassa langs stranda og fanga krabbar. 

  
Når så bålet i båthamna minka ned i ni-tida og sola dukka ned bak Alnaåsen, stilna vestavinden av.  Då vart fleire bål tende langs strendene i Vikebygd. Folk kosa seg i lag med naboar og vener i varmen frå elden.  St. Hans feiring er ein tradisjon som vert halden i hevd i Vikebygd.  Einaste saknet var kanskje tonar frå eit trekkspel?