Lokale websider:

Kultur - Historie:

Lokale nyhende:

Kyrkjeleg festdag
Konfirmasjon i kyrkja 10. mai

(10.5.2009) Så kom dagen då Christoffer Bjørnevik, Marte Gangstø, Per Øyvind Valen og Mandius Vårvik skulle verta konfirmert. I kyrkja samlast 104 av familie, vener og bygdefolk til gudsteneste.  Konvirmantar og prest kom inn i prosesjon der klokkaren gjekk fremst og bar krossen.  I midtgangen stod ei stolar der dei fire ungdomane skulle sitja på ei rekkje.
 

Ein spanande dag som tok til i kyrkja og heldt fram i familieselskap.  Ein fest dag med stadfesting av dåpen gjennom forbønshandling.  Kvar konfirmant fekk teikna ein kross med dåpsvatnet i panna før dei knela ved altarringen.

Men og ein festdag som markerer ein overgang til dei vaksne sine rekkjer.  Vi ynskjer kvar og ein av dei alt godt og lukke til vidare i livet.  (Steinar S)

Torsdag 7. mai
Stordugnad ved kyrkja og i parken

(7.5.2009) Vikebuen spanderte 8000 kroner på soknerådet til ny singel utanfor kyrkja.  Torsdagskvelden var her full aktivitet.  Tre traktorar og 13-14 kvinner og menn var i full aktivitet med krafser, river og hagereiskapar. Nå er det utvendige klart til konfirmasjon og nasjonaldag. 

I dugnadsgjengen var både ungdomar, vaksne og nokre godt over pensjonsalder, Men samarbeidet i dette soknerådet er svært godt, og det var ein munter tone i dugnadsgjengen denne kvelden.  Først klokka halv ti kunne dei siste pakka saman.

Ein stor takk til alle som deltok og til Vikebuen som støtta opp med midlar. Ikkje alt gjekk til grus, så soknerådet vil få gjort meir dugnadsarbeid i løpet av sommaren for å bevara den finaste kyrkja i bispedømmet.  "Ei Domkyrkje i miniatyr", kalla stiftsdirektøren i Bispedømmet kyrkja vår.  

I 2012 skal kyrkja feira 75 års jubileum.  Fagrapportar syner at det er store utfordringar med å ta att etterslepet på vedlikehald som har bygd seg opp over fleire år med små midlar til disposisjon.  Soknerådet reknar med at mykje ,å gjerast av fagfolk, men her vil også vera trong for dugnadshjelp i åra som kjem.
   
   
Lise og Kjersti i parken          Dag utanfor kyrkjetrappa       Knut stiller alltid opp

   
Matpause høyrer med til dugnad, benka ved trappa.           Leiar i soknerådet: Brit Nelly

(Steinar S)

Laurdagsklubben
Pølser, andakt og leik i parken

(9.5.2009) Laurdagsklubben brukar å samlast på bedehuset annankvar laurdag. Det er eigentleg søndagsskulen som har bytta dag og samlar born frå fire til tolv år. 

9.mai var siste samling borna skulle ha denne våren, og over tjue born kom.  Sjølv om det var einskilde regndråpar i lufta, så valde leiarane at denne dagen skulle dei vera ute og i parken.  Solgløtt, barnelått og leik gjorde det til eit flott samvær.  Nå blir det sommarferie fram til hausten.
(Steinar S)