(26.3.2009)  Det var dekka til 255 i storesalen på Bygdahuset i Vikebygd.  Og folket kom.  Her fekk dei både middag og marknadsførings-show for Joker.  Men folk veit kva det betyr å ha lokal kjøpmann i bygda.  7 millionar i året handlar bygdefolk og hytteeigarar hos Rolf. Sjølv om mange arbeider utanfor bygda og køyrer forbi fleire store butikkar på veg heim, så kjøper dei ein stor del av kolonialvarene sine lokalt.

 
Rolf Alne takkar Tom Roger Odland for sang og musikk.

Men her var meir enn mat og PR. Musikkorpset i bygda spela til opning av arrangementet. Musikkarane Gunnar Andersen og Tom Roger Odland gjorde at turen til bygdahuset denne kvelden var vel verd.  Underhaldning som var verdig ein jubilant med 250 gjester.  Arrangementet var kanskje også meir enn eit 10 års jubileum? Kjøpmannen sjølv kunne feira sine 50 år på jord, som han fyllte for nokre månadar sidan.  Han tok sjølv jobben som konferansier, og det greidde han godt.  Rune Hetland, som orienterte om grendautvalet sitt arbeid og gratulerte jubilanten, kommenterte at Rolf takla dette like godt som ein vanleg dag i butikken.

Og dei tilsette i butikken vart ikkje gløymde. Rolf tok dei opp på scenen og takka dei for all innsats for lokalbutikken med gode ord og blomar. 

Han hugsa på same måten på andre som hadde hjelpt til med arrangement. Det var mange som stilte med dugnad både før, under og etterpå.  Lions Club tok på seg serveringa.

Under arrangementet var det loddsal til inntekt for innsamlingsaksjonen "Folkets gave" til revmatismesjukehuset i Haugesund.  Her kom inn i ca 16.000 kroner.

Sjå bildene frå Joker festen.

Kjøpmannen er gal, skriv Haugesunds avis.

Ein  sjømann går i land.
Etter at sjømann og stuert, Rolf Alne, gjekk i land, har han dreve kolonialbutikken: Vikebygd Landhandel.  Dei seinare åra har han vore aktivt med i butikkjeda: Joker, som i 2009 fyller 10 år.  Torsdagskvelden inviterte Rolf heile bygda på jubileumsfest på bygdahuset. Middag med dessert,  kaffi og underhaldning for alle som bur i Vikebygd, både i hus og hytter, lova Rolf, og slik vart det.

Les meir om Rolf i Grannar

Skal vi ha fest 17. mai i år?
I slutten av festen fekk lokalpolitikaren Gunn Vikingstad ordet, både for helsing til jubilanten, men også for å informere om 17.mai festen.  Skal vi ha fest også i kommande år?  Det er så mange som nektar å stilla på dugnad kvart 3. år at vi er nødt til å redusera på noko.  Ho nemnde fleire område ein kunne endra på og oppfordra folket til å komma på banen med positive tilbakemeldingar og råd.