(30.1.09)   Kyrkjebyggkonsulenten i Stavanger Bispedømme, Finn Bårdsen, har utarbeida ein rapport om vedlikehaldet på kyrkja i Vikebygd. Rapporten syner at det er trong for omfattande vedlikehaldstiltak. Gjennom fleire år med små løyvingar har mange mindre forhold fått utvikla seg. 
 
Kyrkja i Vikebygd vart innvigd i 1937 og skal såleis feira 75 års jubileum i 2012. Då er det ein viktig milepæl der det i forkant bør gjerast tiltak for å setja kyrkja i god stand. Kostnaden er ikkje kalkulert ennå, men ut i frå Bårdsen sin rapport, ser ein fort at dette kan bli svært kostbart. Så langt er det ikkje gjeve ekstra løyvingar frå stat eller kommune til dette vedlikehaldet, men soknerådet pressar på for å få Fellesrådet for kyrkjene til å prioritere midlar. 
Les meir om saka og rapporten frå Bårdsen HER.
 
Tilstandsrapporten for kyrkja.