Vikebygdfestivalen 2008 
med fiskekonkurranse laurdag 19. juli

Ein strålande glad vinnar med den største fisken

Resultata og premiering i
fiskekonkurransen: 

Gutar under 12 år
3. pl. 2,18 kg Jonas Søndenå
2. pl. 2,39 kg Tommy Steinsvik
1. pl. 2,43 kg Richard Knutsen
------------------
Jenter under 12 år.
3. pl. 1,33 kg Kitty Sofie Alne
2. pl. 2,19 kg Cassandra Hoel
1. pl. 2,40 kg Vibeke Rogde
------------------
Kvinneklassen
3. pl. 2,33 kg Anja Olsen
2. pl. 3,55 kg Anne Britt Håkull
1. pl. 5,00 kg Unni Knutsen
------------------
Herreklassen
3. pl. 9,38 kg Ole Schiefloe
2. pl. 9,45 kg Roy Skarten
1. pl. 13,33 kg Karl Høie
------------------
Årets største fisk
5,83 kg Ole Schiefloe
------------------
Årets stintefiskar (flest stinter)
33 stinter Alida Svendsbøe
------------------
Løgnaste fisk fekk
Atle Nilson
Han var usikker på om det var:
Nebbsild - Hornhjell - Sverdfisk
------------------
Kåring av / Stemt på løgnaste fisken
Bendilk Maurangsnes
------------------
MEST FISK
Karl Høie 13,33 kg.
------------------
Fiskekort
Reise til verdi 4000 kr
Leif Terje Årvik
------------------

Fleire bilder ser du i
fotoalbumet - klikk her.

---

Rune Hetland er alltid ein optimist.  Det var han også då han før arrangementet sende ut emailar og lova godt ver på festivalen.  Og slik vart det.  Trass i dårlege meldingar vart det litt solgløtt og berre nokre få dråpar frå himmelen.  Folk strøymde til og fylte hamneområdet nedanfor Plasset. Her kunne ein kasta ball på blink og dermed gje leiarane i fotball og musikkorps ein dukkert i kaldt vatn.  Eller kanhende kasta våt svamp i ansiktet deira? Einaste problemet var at dei fleste tykte så godt om leiarane av arrangementet at dei helst ikkje ville senda dei utfor planken.  Men tanken på at det ein betalte gjekk til eit godt arbeid for born og ungdom, fekk etter kvart  køen til å bli lang og dukkertane mange for Gunn Vikingstad, Roger Bauge med fleire.

Rektor ved skulen i Vikebygd, Anne Marte Waage Tveit, heldt opningstalen - kledd i bunad.  Det høvde seg for eit slikt arrangement, sjølv om ho eigentleg hadde kledd seg for brudlaups feiring.  Ho la i talen vekt på alt det flotte Vikebygd får til.  Her er framgang og tiltakslyst.  17.mai-festen i Vikebygd hadde ho ennå i tankane sine.  Eit resultat av dugnadsånd og stor kreativitet.

Og ikkje minst glad er ho for at talet på elevar i skulen er aukande.  Til hausten kan dei ta i bruk nye bygg for skule og barnehage. Ho undrast på kva folket i Vikebygd kunne få til i gamle skulen.  Om ein her kunne skapa ny aktivitet så trong dei kanhende ikkje riva den?

I det gamle bakeriet på Plasset var Bjørn Vik travelt oppteken saman med fleire gode medarbeidarar (i gamle dagar ville vi ha sagt bakstekoner, men det høver seg vel ikkje i dag).  Det hadde vore eld i den gamle steinomnen heile natta slik at den skulle halda på varmen gjennom baksten.  Bjørn var ikkje i seng før 2:30 natt til laurdag, og var på beina igjen klokka halv sju for å gjera klar deigen til 1500 snurringar.

Store mengder kanelboller vart baka og selde gjennom dagen.  Inne på plasset var det servering av sjømatbuffè, fiskesuppe og meire til.  Om kvelden vart det dans og show med musikk av 'Big Trouble'. Her var selt 400 billettar, god stemning og dans ut i dei små timar.
 
Eit stort telt måtte til for å gi rom for alle gjennom dagen og kvelden. 

Fleire bilder - HER