Under sjølve "kiminga" som ringer jula inn klokka 17, må ein vera to. Då samarbeida Andreas Tveit med Steinar Skartland, som handterte kvar si klokke. Ein held då i sjølve pendelen i klokka og slår slaga for hand med denne. Først einslege og sakte slag vekselsvis med dei to klokkene, så aukar farten gradvis til rask ringing, før ein går over til to minuttar med vanleg ringing med begge klokkene. Etter ein kort pause tek ein til att med einslege slag. I grunnen skulle ein ringa frå klokka 17.00 til klokka 18.00. Men i år juksa ein nok litt. Fann ut at det var betre å kima mens folket ennå var ved kyrkja og kunne høyra på - og slutta av litt over klokka 5.