Roald Årvik
kåra til Årets Vikebu

For imponerande innsats med rydding og tilrettelegging for turar i nærmiljø og fjellheim. 

Årets Vikebu er ein heiderskar som engasjerar seg i det som skjer i bygda,
står det i Vikebuen si grunngjeving for prisen i 2014.

Det er tradisjon at det lokale kvinnelaget med namnet:  Vikebuen, inviterer til julemesse.  I år deltok 31 med salsutstilling.  Her var mykje flott, både av husflid, sløyd, saft og bakverk.
- Dette er den største inntektskjelda til laget vårt, fortel Solveig Horman som reknar med eit overskott på over 20.000 frå matsal og utloddingar. - Dei som stiller ut for å selja her betalar ikkje noko for plassen, seier ho, og legg til: - Men alle utstillarar må delta med ein gevinst til utloddinga.

Laget 'Vikebuen' har omlag nær 100 medlemmer, men dei ynskjer seg fleire. - Det kostar berre 100 kroner i året å vera medlem, fortel Solveig Hortman.  Med seg i styret har ho: Inger Kathrine Sundve, Hilde Fredriksen, Mona Schnabel, Else Karrin Vestbø og Eller Skretteberg.  Trass i stor aktivitet og mange medlemmer, så klarer dei seg utan at nokon er leiar. 

Solveig Horman kunne ynskja ein fullsett sal velkommen då klokka vart 12.  Ho stod på scenen både som representant for styret i laget Vikebuen og som deltakar i det store korpset.  Musikkarane hadde også funne plassen på scenen, kledd i like, raude hettegenserar. Under leiing av dirigenten Andreas Ulveraker spela korpset fleire musikkstykke.  Folket rundt borda i storsalen kunne ikkje annan enn å la seg imponera over kor gode dei er. Ein stor del av korpset er nå skuleungdom med hjelp og støtte av erfarne vaksne.

Fleire av utstillarane har delteke år etter år.  M.a. bakarmeister Jan Arne Tjomsland med sal av smurte lefser, tørre lefser og flatbrød. Dørene var knapt opna før folk kom berande ut på lefser i posar.  Her er det Berit som sikrar seg eit utval. 

Oppskrifta har han frå Alma frå Hovin. 
- Det er ei oppskrift frå Tønsberg, seier han.
- Eg har jobba i bakeri i mange år, men det var først etter at eg vart pensjonist at eg starta med lefser, fortel Jan Arne og spanderer smaksprøvar.

I eit mindre rom finn vi Tove Iversen frå Haugesund.  Ho strikkar og heklar.  I tillegg har ho laga godteri. 

- Eg reiser rundt på fleire julemesser.  Neste helg skal eg til Tveit i Nedstrand for å selja på open dag der, fortel Tove.  Ho brukar samarbeida med mora, men ho vart sjuk så denne gongen var ho aleine ved salsbordet.
 
Astrid Genberg hadde funne seg eit bord i storsalen.  Mellom dei strikka tinga hennar var eit spesielt par med vottar. 

Ordet 'Vindafjord' var strikka inn i mønsteret, og her kunne ein også sjå både fjord og fjell.

Programmet

VIKEBUEN ARRANGERER
JULEMESSE 

Då blir Årets Vikebu kåra.
 
Les programmet her

Tilbake til hovudsida

Link til FOTOALBUM for Vikebygd

Fleire reportasjar frå Vikebygd 2014 ser du her.